Мулоқоти Сафир бо донишҷӯёни тоҷик дар шаҳри Сиани Чин

07.01.2019(11:35)

Дар доираи сафари корӣ ба шаҳри Сиани музофоти Шэнси Сафири Ҷумҳурии Тоҷикистон дар Ҷумҳурии Мардумии Чин Парвиз Давлатзода дар Донишгоҳи омӯзгории музофоти Шэнси бо донишҷуёни тоҷик, ки дар муассисаҳои таҳсилоти олии шаҳри Сиан таҳсил мекунанд, мулоқот доир намуд.

 Сафир бо ишора ба таваҷҷуҳ ва ғамхории давлату ҳукумати ҷумҳурӣ нисбати ҷавонон, хусусан донишҷуён, онҳоро ба хониши хубу аъло, гирифтани донишу малакаи босифат, азхуд кардани касбу ихтисосҳои барои кишвари мо муҳим ва риояи қонуну қоидаҳои кишвари иқомат даъват намуд.

Сафир ба донишҷӯён таъкид намуданд, ки ҳар яки мо бояд шукри истиқлолият, тинҷиву аммонии кишвар ва сулҳу ваҳдати миллиро кунем, ки айни замон фазои Тоҷикистон осудаву ором буда, мардум таҳти сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомали Раҳмон баҳри рушду рифоҳи кишвар, баланд бардоштани сатҳи некуаҳволӣ ва саодати ҳар як хонадон заҳмат мекашанд.

Дар робита ба муносибатҳои Тоҷикистону ва Чин Сафир қайд намуданд, ки ҳамдастии ду кишвар айни замон сохтори такмилёфтаеро мемонад, ки дар заминаи мустаҳками сиёсиву иқтисодӣ, гуманитарию фарҳангӣ такя намуда, густариши босуръати ҳамкориҳои мутақобилан судмандро дар ҳама арсаҳои ҳаёт таъмин мекунад.